शिर्डीतील श्री साईबाबा मंदिराच्या गेट क्रमांक ४ समोर रविवारी रात्री शेजारतीपूर्वी एकधक्कादायक घटना घडली. व्यवसायाच्याजागेच्या जुन्या वादातून एका फळविक्रेत्यामहिलेची चाकूने भोसकून निर्घृण हत्याकरण्यात आली. शिर्डी पोलिसांनी या प्रकरणीकारवाई करत दोन तरुणींना अटक केलीआहे. ही घटना मंदिर परिसरातीलसीसीटीव्हीत कैद झाली आहे. जयश्री साईनाथ क्षिरसागर (वय २९, रा.बाजारतळ, शिर्डी) असे मृत महिलेचे नावआहे. हल्ल्यात गंभीर जखमी झालेल्याजयश्री यांच्यावर श्री साईबाबा सुपरस्पेशालिटी रुग्णालयात उपचार सुरू होते,मात्र सोमवारी सकाळी उपचारादरम्यानत्यांची प्राणज्योत मालवली. त्यांच्या मागे पतीआणि दोन लहान मुले असा परिवार आहे. मृत जयश्री या मंदिर परिसरात काकडी वकैरी विक्रीचा व्यवसाय करायच्या. तरसंशयित आरोपी अंजली खंडीझोड (वय २२,रा. कालिकानगर) ही साईबाबांचे फोटोविक्रीचा व्यवसाय करते. व्यवसायाच्याजागेवरून चार ते पाच महिन्यांपूर्वी दोघींमध्येवाद झाला होता. रविवारी रात्री अंजलीच्यासांगण्यावरून तिची मैत्रीण फिजा उर्फनोझिया लुकमान पटेल (वय २१, रा.कालिकानगर) ही जयश्री यांच्याशी वादघालण्यासाठी आली. जयश्री एकट्याअसल्याचे पाहून फिजाने त्यांच्यावर धारदारचाकूने वार केले. मध्यस्थी करणाऱ्या इतरमहिलांनाही आरोपींनी दमदाटी केली. घटनेची माहिती मिळताच पोलिसउपअधीक्षक अमोल भारती, पोलीसनिरीक्षक रणजित गलांडे आणि उपनिरीक्षकसागर काळे यांनी पथकासह घटनास्थळीधाव घेत परिस्थिती नियंत्रणात आणली. मृत महिलेचे पती साईनाथक्षिरसागर यांच्या फिर्यादीवरून शिर्डी पोलिसांनीभारतीय न्याय संहितेअंतर्गत खुनाचा गुन्हा दाखलकेला असून, दोन्ही आरोपी महिलांना बेड्याठोकल्या आहेत. साई मंदिर परिसरातील संस्थानच्या सीसीटीव्हीकॅमेऱ्यांत हल्ल्याची संपूर्ण थरारक दृश्ये कैद झालीआहेत. या फुटेजच्या आधारे पोलिसांनी घटनेचासंपूर्ण घटनाक्रम स्पष्ट केला असून, तपासात हासीसीटीव्ही फुटेज अत्यंत महत्त्वाचा पुरावा ठरणारआहे.शिर्डीतील गुन्हेगारीचे समूळ उच्चाटनकरण्यासाठी पोलिसांनी कठोर कारवाई करावी.कॉम्बिंग ऑपरेशनमध्ये सातत्य ठेवून गुन्हेगारांवरवचक निर्माण करण्याच्या सूचना संबंधित यंत्रणेलादिल्या आहेत, असे पालकमंत्री राधाकृष्ण विखेपाटील यांनी सांगितले.
from महाराष्ट्र | दिव्य मराठी https://ift.tt/JTSF9CD
साई मंदिरासमोर फळविक्रेत्या महिलेचा चाकू भोसकून खून:व्यवसायाच्या जागेच्या जुन्या वादातून हल्ला; 2 तरुणी अटकेत
July 20, 2026
0
