अमरावती जिल्हा परिषदेत 12 रुग्णवाहिका विना नंबर:मेळघाटातील रुग्णांसाठी आलेल्या रुग्णवाहिका आठवडाभर यार्डात पडून

अमरावती जिल्हा परिषदेच्या आरोग्य विभागात १२ रुग्णवाहिका विना नंबर आल्या. मेळघाटातील धारणी आणि चिखलदरा तालुक्यांसाठी जिल्हा नियोजन समितीने (डीपीसी) निधी दिला. या रुग्णवाहिका आठवडाभरापासून यार्डात धूळ खात आहेत. जुन्या, कालबाह्य रुग्णवाहिकाही तिथे उभ्या असल्याने मेळघाटात सध्या एकही रुग्णवाहिका उपलब्ध नाही. नव्यांना नंबर न मिळाल्याने त्या पोहोचल्या नाहीत. नियमानुसार, वाहनांना शोरूममधून बाहेर पडण्यापूर्वीच नंबर मिळणे आवश्यक असते. मात्र, विना नंबरच्या रुग्णवाहिका थेट जिल्हा परिषदेच्या यार्डात आणल्या गेल्या. आठवडाभर काहीही न केलेल्या अधिकाऱ्यांनी बुधवारी पासिंग आणि नोंदणीसाठी धावपळ सुरू केली. काँग्रेसचे समीर जवंजाळ यांनी चौकशीची मागणी केली. सीईओ सत्यम गांधी यांनी सांगितले की, १२ रुग्णवाहिकांचे आरटीओ पासिंग आणि नंबर मिळवण्याची प्रक्रिया पूर्ण झाली. गुरुवारी नंबर मिळतील आणि शुक्रवारी त्या मेळघाटात रवाना होतील.

from महाराष्ट्र | दिव्य मराठी https://ift.tt/rj2LKhq