ऊसतोड मजुरांच्या गावात घडले 20 डॉक्टर‎:आमूलाग्र बदल; दोन हजार वस्तीच्या बोरवाडीची ओळख आता ‘डॉक्टरांचे गाव''‎

जिल्ह्यातील बोरवाडी (ता.भोकर) या‎आदिवासीबहुल गावातील रहिवासी तथा‎वैद्यकीय अधीक्षक डॉ. शिवाजीराव खंदारे‎यांनी आपले वैद्यकीय शिक्षण पूर्ण केल्यानंतर‎जिल्हा परिषद शाळेसाठी स्वतःची १० गुंठे‎जमीन दिली. त्यांची प्रेरणा घेऊन आज‎गावातील २० मुले डॉक्टर झाली आहेत.‎ऊसतोड मजुरांचे गाव असलेल्या बोरवाडीची‎ओळख आता ‘डॉक्टरांचे गाव'' म्हणून निर्माण ‎झाली आहे.‎ नांदेड जिल्ह्यातील मुदखेड-भोकर रस्त्यावर‎दोन हजार लोकवस्तीचे बोरवाडी गाव आहे.‎गावाच्या चारीही बाजूने जंगल आहे.‎झोपडीवजा शेणामातीची घरे गावकऱ्यांची‎स्थिती सांगतात. दिवाळीपूर्वी शेती आणि‎मजुरी, तर दिवाळीनंतर आंध्र आणि तेलंगणात‎ऊसतोडणीसाठी जाणाऱ्या मजुरांचे हे गाव‎आहे. दुष्काळी परिसर असल्याने‎शिक्षणाशिवाय पर्याय नाही. गावातील रहिवासी‎व आता मांडवीचे (ता. किनवट) वैद्यकीय‎अधीक्षक डॉ. शिवाजीराव खंदारे यांना‎शिक्षणासाठी मोठा संघर्ष करावा लागला.‎गावात शाळा नसल्याने त्यांना किनवटमधील‎आश्रमशाळेत राहून प्राथमिक व माध्यमिक‎शिक्षण घ्यावे लागले. पुढे छत्रपती‎संभाजीनगरला एमबीबीएसला प्रवेश घेत त्यांनी‎वैद्यकीय शिक्षण पूर्ण केले. आपल्या वाट्याला‎आलेला संघर्ष इतरांच्या वाट्याला येऊ नये‎म्हणून त्यांनी १९८६ मध्ये शाळेसाठी १० गुंठे‎जमीन दिली. त्यामुळे पाचवीपर्यंत गावातच ‎‎विद्यार्थ्यांची प्राथमिक श‍िक्षणाची सोय झाली.‎डॉ. खंदारे यांची प्रेरणा घेऊन गावातून १६ ‎‎एमबीबीएस, २ बीएएमएस, १ बीएचएमएस व १ ‎‎पशुवैद्यकीय असे २० डॉक्टर या गावाने घडवले ‎‎आहेत, अशी माहिती आदिवासी समाजाचे ‎‎तालुका समन्वयक गंगाधर वानोळे यांनी दिली.‎ पहिल्या डॉक्टरने शाळेला दिली जमीन‎ गावाने घेतली झेप : गावातून अनेक गुणवंत‎विद्यार्थी घडल्याने या गावाने जिल्ह्याचे लक्ष वेधून घेतले‎आहे. कालांतराने गावातील अनेक विद्यार्थी राज्यासह‎देशातील नामांकित संस्थांमध्ये शिकत आहेत. अजूनही‎काही जण वैद्यकीय प्रवेश परीक्षेची तयारी करत आहेत.‎गावातून जे डॉक्टर झाले आहेत, ते देखील विद्यार्थ्यांना‎मार्गदर्शन करण्यासाठी पुढे येत आहेत. अशाप्रकारे या‎गावाने आदर्श निर्माण केला आहे.‎ संपर्कातील प्रत्येकाला मार्गदर्शन‎ ^गावातून कोणी शिकलेला नव्हता. गावाची पस्थिती‎फारशी चांगली नव्हती. शिक्षणाशिवाय पर्याय नाही.‎शिक्षणाचे धेय उराशी बाळगून वाटचाल केली. या‎प्रयत्नातून वैद्यकीय क्षेत्राकडे वळलो. त्यानंतर माझी‎प्रेरणा इतरांनी घेतली. संपर्कातील मुलांना वैद्यकीय‎शिक्षणासाठी नेहमीच मार्गदर्शन करतो.‎ -डॉ. शिवाजीराव खंदारे, वैद्यकीय अधीक्षक‎

from महाराष्ट्र | दिव्य मराठी https://ift.tt/wQ2g0JB