पैठणला दिग्गजांची प्रतिष्ठा पणाला:माजी आमदारांच्या पत्नीसह‎ खासदारांचे पुतणे, गोर्डे, शिंदे मैदानात‎; अनेक गटांमध्ये शिवसेना- भाजपत लढत

पैठण तालुक्यातील ९ जिल्हा परिषद व १८ पंचायत ‎‎समिती निवडणुकीचा प्रचार सुरू आहे. ‎‎तालुक्यात दिग्गज मैदानात उतरले आहेत.‎त्यांच्यासाठी ही निवडणूक प्रतिष्ठेची बनली‎आहे. अनेकांनी साम-दामवरही भर दिला‎ आहे.‎ खासदार संदिपान भुमरे यांचे पुतणे‎शिवराज भुमरे पाचोड जिल्हा परिषद गटातून‎लढत आहेत. येथे राष्ट्रवादी अजित पवार‎गटाचे उमेदवार त्यांच्या समोर आहेत.‎आमदार विलास भुमरे यांनी येथे विशेष लक्ष‎दिले आहे. भुमरे यांचे विरोधक, नुकतेच‎भाजपमध्ये आलेले दत्तात्रय गोर्डे, नवगाव‎गटातून लढत आहेत. नांदर गणातून ठाकरे‎गटाचे व माजी सभापती राहिलेले डॉ. सुनील‎शिंदे आपले नशीब नांदरमधून अजमवत‎आहेत. येथे काँग्रेसचे नेते रविंद्र काळे यांनी‎शिवसेना शिंदे गटाबरोबर हातमिळवणी केली‎आहे. पुतण्यांना येथून पंचायत समितीसाठी‎ उभे केले आहे. माजी आमदार संजय‎वाघचौरे यांनी ढोरकीनमधून पत्नीला‎उभे केले आहे. या दिग्गज नेत्यांनी‎आपल्या कुटुंबातील सदस्यांना‎निवडणुकीच्या मैदानात उतरवले आहे.‎नेहमी कार्यकर्त्यांसाठी गावात न‎फिरकणारे नेते आता कुटुंबातील‎सदस्यांसाठी डोर टू डोर जात आहेत.‎अनेक गटांमध्ये दिग्गजांसमोर नवीन‎चेहरे उभे असल्याने सामान्य मतदार‎कोणाच्या बाजूने राहणार, हे बघावे‎लागणार आहे.‎ नेत्यांचा साम-दामवर जोर‎ अनेक नेत्यांच्या घरातील सदस्य‎उमेदवार असल्याने सर्कलमध्ये‎प्रचार करत असताना‎साम-दामवर भर दिला जात‎आहे. नेहमी कार्यकर्त्यांसाठी एक‎रुपयाही न लावणारे नेते आता‎लाखो रुपये आपल्या कुटुंबातील‎उमेदवारांच्या प्रचारासाठी खर्च‎करीत आहेत. खरा मतदार राजा‎आपली ताकद काय दाखवतो, हे‎निकालानंतरच कळेल. ऐरवी न‎दिसणारे नेते आता गावोगाव‎दिसत आहेत.‎ शिंदे गटासमोर भाजपचे आव्हान‎ पैठण तालुक्यात ग्रामीण भागात काँग्रेस,‎शिवसेना व राष्ट्रवादीचे संघटन मजबूत‎मानले जाते. अलीकडील स्थानिक स्वराज्य‎संस्थांच्या निवडणुकांनंतर भारतीय जनता‎पक्षही पूर्ण ताकदीने मैदानात उतरणार आहे.‎सध्या भाजपमध्ये दत्तात्रय गोर्डे आल्याने‎भाजप पुरस्कृत उमेदवार सर्व ठिकाणी‎देण्यात आले आहेत. यामुळे शिवसेना‎विरोधी भाजप अशी लढत अनेक गटात‎होणार आहे. महाविकास आघाडीमधील‎नेत्यांमध्ये समन्वय नसल्याने उमेदवार उभे‎केले असले तरी नेतृत्व करण्यासाठी नेता‎नसल्याचे स्थानिकांना दिसून येत आहे.‎ गोर्डे भुमरेंचे मुख्य विरोधक‎ शिवराज भुमरे हे पहिल्यांदाच जि.प.‎लढत असून विकासाचा मुद्दा घेऊन‎ते मतदारांकडे जात आहेत. संजय‎वाघचौरे यांच्या पत्नी सुनिता या‎ढोरकीनमधून जिल्हा परिषद लढत‎आहेत. या भागात त्यांचे नातेगोते‎जास्त आहेत. तर, डॉ. सुनील शिंदे‎नांदर गणातून लढत असून त्यांना या‎निवडणुकीत या पूर्वीचा अनुभव‎कामी येईल. दत्तात्रय गोर्डे यांच्या‎आई चंद्रकला या नवगाव गटातून‎लढत आहेत. गोर्डेंकडे भुमरेंचे मुख्य‎विरोधक म्हणून पाहिले जाते.‎

from महाराष्ट्र | दिव्य मराठी https://ift.tt/l6AMn9x