सायबर फसवणुकीत कंपनीचे 1.95 कोटी लुटले:सीईओचे नाव वापरून केलेल्या फसवणुकीतील आरोपी सुरतमधून जेरबंद; 1 कोटी होल्ड

भोसरी एमआयडीसी परिसरातील एका कंपनीचे अकाऊंटट यांना कोणीतरी अज्ञात इसमाने कंपनीचे डायरेक्टरचा फोटो व नांव असलेले बनावट व्हॉट्सअप नंबरवरुन संपर्क करून स्वतः कंपनीचे डायरेक्टर असल्याचे भासवुन विश्वास संपादन केला. कंपनीचे प्रोजेक्टकरीता क्लायंटला तात्काळ पेमेंट ट्रान्सफर करायचे असल्याचे सांगुन एआय सॉफ्टवेअर सोल्युशन या अकाउंटला एकुण १कोटी ९५ लाख रुपये ट्रान्सफर करण्यास लावले. त्यानंतर कंपनीचे खरे डायरेक्टर यांना सदर व्यवहाराचा मेसेज आल्यानंतर सदर बाबत कंपनीचे फसवणुक झाल्याचे त्यांच्या लक्षात आल्याने कंपनीचे अकाऊटंट यांनी तात्काळ पिंपरी चिंचवड सायबर पोलीस स्टेशन येथे फसवणुकीची तक्रार दिली. सायबर पोलिसांनी याबाबत तात्काळ गुन्हा दाखल करून तपास सुरू करत आरोपीचा माग काढून सुरत येथून आरोपीला अटक करण्यात आली आहे.तसेच या गुन्ह्यात १ कोटी रुपये सायबर पोलिसांकडून होल्ड करण्यात आल्याची माहिती पोलिस उपायुक्त स्वप्ना गोरे यांनी दिली आहे. सदर गुन्हयामध्ये आर्थिक फसवणुक ही मोठ्या स्वरुपाची असल्याने व अशा प्रकारचे गंभीर स्वरुपांचे गुन्हयांना प्रतिबंध होणेकामी सदर गुन्हयाचा सखोल तपास करुन गुन्हा उघडकीस आणुन आरोपी अटक करणेकामी पोलीस आयुक्त, विनयकुमार चौबे यांनी आदेशित केले होते. त्याप्रमाणे सायबर पोलीस ठाणेचे पोलीस निरीक्षक रविकिरण नाळे हे गुन्हयाचा तपास करीत आहेत. त्याप्रमाणे सदर गुन्हा उघडकीस आणणेकरीता व तपासकामी सपोनि. प्रविण स्वामी व पोउपनि. प्रकाश कातकाडे यांची पथके तयार करुन गुन्हयाचे तपासाबाबत मार्गदर्शन करून कामाचे विभाजन केले होते.त्याप्रमाणे तपास करीत असताना सपोनिरी प्रविण स्वामी व पोउनि. प्रकाश कातकाडे यांना गुन्हयात आरोपींनी वापरलेल्या बैंक अकाउंट, त्याचा ट्रेल यासंबधाने माहीती काढण्याबाबत सांगितले होते त्याप्रमाणे त्यांनी माहीती घेतली असता आरोपी यांनी गुन्ह्यातील रक्कम वेगवेगळ्या अकाऊंटवर वर्ग करुन त्यापैकी काही रक्कम कामरेज, सुरत, राज्य गुजरात येथुन काढत असल्याची तांत्रिक माहिती मिळाली. त्याप्रमाणे तात्काळ पोउनि. प्रकाश कातकाडे यांचे पथक तयार करुन वरिष्ठांच्या परवानगीने सुरत, गुजरात येथे पाठविले. त्याप्रमाणे त्यांनी संबंधीत बँकांचे सीसीटीव्ही फुटेज व इतर तपास करुन बँकांमधुन फसवणुकीची रक्कम काढणारा आरोपी नामे जेनील वसंतभाई वाघेला (वय २२ वर्ष, धंदा कॉपीराईट ट्रेडमार्क बिजनेस, रा. ११ मलीरत्न सोसायटी, ननसाळ रोड, कामरेज सुरत, ता. कामरेज जि. सुरत )यास सुरत येथुन ताब्यात घेण्यात आले आहे. त्याचेकडे केले तपासामध्ये त्याने त्याचा साथीदार प्रिंस विनोदभाई पटेल व नकुल खिमाने यांचेशी संगनमत करुन सदर गुन्हा करीत असल्याचे कबुली दिली आहे. तपासा मध्ये दाखल गुन्ह्यात आत्ता पर्यन्त १ कोटी रुपये होल्ड करण्यात आली आहे.

from महाराष्ट्र | दिव्य मराठी https://ift.tt/LPh8xkr